წესები და პირობები

წინამდებარე წესები და პირობები წარმოადგენს მომხმარებელსა და მარკ4-ს შორის დადებულ ორმხრივად მავალდებულებელ შეთანხმებას და არეგულირებს კლიენტის მიერ ვებგვერდის გამოყენებას. მარკ4-ის ვებგვერდი არის საინფორმაციო და მომხმარებლებს აჩვენებს კომპანიის შესაძლებლობებს, მომსახურებებსა და საქმიანობას, შესაბამისად, ვებგვერდზე განთავსებული ინფორმაცია მიზნად ისახავს მომხმარებლისთვის ზოგადი ინფორმაციის მიწოდებას და არ წარმოადგენს ავტომატურ შეთავაზებას მომსახურების შეძენის ან ხელშეკრულების დადების შესახებ. მარკ4-ის ვებგვერდის გამოყენების წესებსა და პირობებზე ელექტრონული ხელმოწერით მომხმარებელი ადასტურებს, რომ გაეცნო და ეთანხმება წესებსა და პირობებს, მათ შორის, კონფიდენციალურობისა და პერსონალურ მონაცემთა დამუშავების შესახებ დებულებებს.

• მარკ4-ის ვებგვერდით სარგებლობისთვის, მომხმარებელი ვალდებულია, დაეთანხმოს და დაიცვას წინამდებარე დოკუმენტში მოცემული წესები და პირობები.
• პერსონალური ინფორმაცია, რომელსაც კომპანია მომხმარებლისგან ან მესამე პირებისგან მოიპოვებს, მუშავდება წინამდებარე წესებში განსაზღვრული პერსონალური მონაცემების დამუშავებისა და დაცვის პოლიტიკის შესაბამისად.
• მარკ4-ის ადმინისტრაცია უფლებას იტოვებს, ნებისმიერ დროს, ცალმხრივად, ამავე ვებგვერდზე განთავსებულ წესებსა და პირობებში შეიტანოს ცვლილებები, კლიენტის დამატებითი თანხმობის გარეშე.

წინამდებარე დოკუმენტში გამოყენებულ ტერმინთა განმარტებები:

• ანგარიში - კლიენტის მიერ ვებგვერდის საშუალებით რეგისტრირებული პირადი ანგარიში.
• ავტორიზაცია - პირად ანგარიშზე წვდომა და წინამდებარე წესებისა და პირობების მე-6 მუხლით განსაზღვრული ნებისმიერი ქმედება.
• მარკ4-ის ვებგვერდი - მარკ4-ის ონლაინ პლატფორმა, რომლის საშუალებით მომხმარებელი ახორციელებს მომსახურების შეკვეთას, რის შემდეგაც მარკ4 უზრუნველყოფს მომსახურების გაწევას.
• გამოყენების წესები - წინამდებარე წესები, ისევე როგორც ნებისმიერი სხვა წესი და/ან პირობა, რომელიც არეგულირებს კლიენტის ვებგვერდზე წვდომასა და მის გამოყენებას, მათ შორის, შინაარსთან, ფუნქციებთან და მომსახურებებთან დაკავშირებულ საკითხებს.
• კლიენტი/მომხმარებელი - ფიზიკური ან იურიდიული პირი, რომელიც აკმაყოფილებს წინამდებარე პირობებით გათვალისწინებულ მოთხოვნებს და სურს კომპანიისაგან მიიღოს შემოთავაზებული მომსახურება, ვებგვერდის საშუალებით.
• კომპანია, ჩვენ ან ჩვენი - "ბიზნეს ჯგუფი", რომელიც დაფუძნებულია საქართველოს კანონმდებლობის შესაბამისად (ს/კ 404600375, ფაქტობრივი მისამართი: ქ. თბილისი, სოლომონ ქურდიანის №4).
• მხარეები - კომპანია და მისი მომხმარებლები.
• ოპერაცია - მომხმარებლის მიერ პირად ანგარიშთან ან/და მომსახურებებთან დაკავშირებით განხორციელებული ნებისმიერი ქმედება.
• უნივერსალური იდენტიფიკატორები - მარკ4-ის მიერ მომხმარებლისთვის მიწოდებულ მონაცემთა ერთობლიობა, მათ შორის, სახელი, გვარი და სხვა დამატებითი ინფორმაცია, რომელთა გამოყენებითაც ის რეგისტრირდება სისტემაში და სარგებლობს სხვადასხვა დისტანციური მომსახურებით.
• ხელშეკრულება - მომხმარებლებსა და მარკ4-ს შორის გაფორმებული ხელშეკრულება, რომელიც მოიცავს წინამდებარე წესებსა და პირობებს და მის დანართებს (ასეთის არსებობის შემთხვევაში).

წინამდებარე წესებსა და პირობებზე თანხმობით, მომხმარებელი ადასტურებს, რომ:

• კლიენტი არის 18 წელს მიღწეული ფიზიკური პირი.
• გააჩნია სრული (შეუზღუდავი) ქმედუნარიანობა, არ იმყოფება ნარკოტიკული, ალკოჰოლური, ფსიქოტროპული ან ტოქსიკური პრეპარატების ზემოქმედების ქვეშ; არ იმყოფება თაღლითობის, ზეწოლის, მუქარის ან ნებისმიერი სხვა მართლსაწინააღმდეგო ზემოქმედების ქვეშ; არ წარმოადგენს ძალადობის, მუქარის, მოტყუების, შეცდომაში შეყვანის ან სხვა აკრძალული ქმედების ობიექტს და სრულად აცნობიერებს საკუთარი ნების გამოხატვის შინაარსს, პირობების დებულებათა არსს და მისგან გამომდინარე სამართლებრივ შედეგებს.
• მომხმარებელს აქვს სრული უფლებამოსილება, ხელი მოაწეროს და შეასრულოს ამ პირობებით ან ნებისმიერი სხვა ხელშეკრულებებით გათვალისწინებული ვალდებულებები.
• გაეცნო პირობებს და მისთვის არის მისაღები.
• მის მიერ წარმოდგენილი ყველა მონაცემი არის ზუსტი.
• მომხმარებელი არ მონაწილეობს არცერთი იურისდიქციის კანონმდებლობით (რაც მოიცავს საქართველოს კანონმდებლობას და იმ ქვეყნის კანონმდებლობას, რომლის მოქალაქეც არის მომხმარებელი) გათვალისწინებულ რაიმე სახის უკანონო საქმიანობაში, მათ შორის, ფულის გათეთრებაში, იარაღით ვაჭრობაში, ტერორიზმსა და სხვა სახის უკანონო ქმედებაში.
• პირადი ანგარიშის გახსნისას და ხელშეკრულების მოქმედების პერიოდში მისი საქმიანობა ან/და ქმედება შესაბამისობაში არის/იქნება ადგილობრივ ან/და საერთაშორისო კანონმდებლობასთან.
• მისი ქმედება არ არის/იქნება მიმართული მარკ4-ის ან/და ნებისმიერი მესამე პირის/მხარის მოტყუებისკენ და მის მიერ მარკ4-სთვის წარდგენილი დოკუმენტი/ინფორმაცია არის/იქნება უტყუარი, ზუსტი და სრული.
• იგი კეთილსინდისიერად, სრულად და ჯეროვნად შეასრულებს პირობებით ნაკისრ ვალდებულებებს.
• თანახმაა, ეფექტური მომსახურების გაწევისა და შეთავაზების მიზნით, პირადი ანგარიშის გახსნის შემდეგ, ხელშეკრულების შეწყვეტამდე, მარკ4-მა მოიძიოს/გადაამოწმოს და დაამუშავოს მომხმარებლის მიერ მითითებული პერსონალური ინფორმაცია ან მასთან დაკავშირებული ნებისმიერი უნივერსალური იდენტიფიკატორი.
• მომხმარებელი დაუყოვნებლივ წერილობით აცნობებს მარკ4-ს ყველა იმ გარემოებ(ებ)ის შესახებ, რომელიც შეიძლება წინააღმდეგობაში მოვიდეს აღნიშნულ განცხადებებთან ან/და გამოიწვიოს გარანტიების დარღვევა.
• ხელშეკრულებას დებს ამ პირობებში მოცემულ განცხადებებზე, გარანტიებსა და ვალდებულებებზე დაყრდნობით და თვლის მათ ხელშეკრულების პირობებად. შესაბამისად, ხელშეკრულების დადების შემდეგ, წინამდებარე მუხლით გათვალისწინებული განცხადებების, გარანტიებისა და ვალდებულებების დარღვევა საკმარისი საფუძველია მარკ4-ის მიერ ხელშეკრულებითა და პირობებით გათვალისწინებული ნებისმიერი მომსახურების გაწევაზე უარის სათქმელად.

• მარკ4-ის ვებგვერდზე პირადი ანგარიშის გახსნისა და ონლაინ მომსახურებით სარგებლობისთვის მომხმარებელი ვალდებულია, გაეცნოს მოცემულ წესებსა და პირობებს და დაეთანხმოს მათ.
• მომხმარებელი ვალდებულია, უსაფრთხოდ შეინახოს პირად ანგარიშზე წვდომისთვის საჭირო მონაცემები და არ გადასცეს მესამე პირებს.
• მომხმარებელი იღებს სრულ პასუხისმგებლობას მისი ანგარიშით განხორციელებულ ნებისმიერ ქმედებაზე. კომპანია არ იღებს პასუხისმგებლობას იმ ზიანზე, რომელიც შესაძლოა წარმოიშვას მესამე პირის მიერ, ვებგვერდის ანგარიშზე წვდომის შედეგად.
• იმ შემთხვევაში თუ კლიენტს გააჩნია საფუძვლიანი ეჭვი, რომ მისი პირადი ანგარიშის პაროლი ან უსაფრთხოების სხვა წვდომის კოდ(ებ)ი იქნა მოპარული, დაკარგული, უკანონოდ მითვისებული, უნებართვოდ გამოყენებული ან სხვაგვარად მითვისებული, მომხმარებელი ვალდებულია, დაუყოვნებლივ შეცვალოს პაროლი და დაუკავშირდეს mark4-ის მომხმარებელთა მომსახურების ცენტრს (ტელ: (032) 2 192 192) ან დაუკავშირდეს მარკ4-ს ელ. ფოსტაზე: info@mark4.ge. აღნიშნული ვალდებულების შეუსრულებლობა საფრთხეს შეუქმნის როგორც მომხმარებლის პირადი ანგარიშის უსაფრთხოებას, ასევე, დაეკისრება პასუხისმგებლობა ნებისმიერი სახის დანაკარგთან დაკავშირებით.
• პირადი ანგარიშის გახსნით, მომხმარებელი აცხადებს და გარანტიას იძლევა, რომ მის მიერ პირადი ანგარიშის გახსნით არ არღვევს არანაირ კანონს ან რეგულაციას. იგი ვალდებულია, დაიცვას კომპანიის ინტერესები და აუნაზღაუროს კომპანიას ყველა ზიანი, რომელიც მიადგა მომხმარებლის მიერ წინამდებარე პუნქტით გათვალისწინებული მოთხოვნების დარღვევის შედეგად.
• მომხმარებელი ვალდებულია, უზრუნველყოს მის პირად ანგარიშზე არსებული ინფორმაციის სიზუსტე და მისი განახლება. კომპანია არ იქნება პასუხისმგებელი მომხმარებლის მიერ აღნიშნული ვალდებულების შეუსრულებლობით გამოწვეულ ზიანზე. კომპანია უფლებამოსილია, ნებისმიერ დროს, მოითხოვოს მომხმარებლისგან ინფორმაციის სისწორის დადასტურება ან დოკუმენტების ან სხვაგვარი მტკიცებულების წარმოდგენა, უარის შემთხვევაში კი გააუქმოს ვებგვერდის ანგარიში.

რეგისტრაციის/შეკვეთის განთავსებისას მომხმარებელი ავსებს რამდენიმე ველს:

• სახელი/გვარი
• ელ. ფოსტის მისამართი
• პაროლი
• პაროლის დადასტურება

გარდა ზემოაღნიშნულისა, მომხმარებელი პროფილის რეგისტრაციისას და შეკვეთის განთავსებისას ავსებს შემდეგ ინფორმაციას: პირად ნომერსა და საკონტაქტო მონაცემებს; პაროლი - ცენტრალიზებული დისტანციური მომსახურების მისაღებად ავტორიზაციის განხორციელებისთვის საჭირო ერთ-ერთი პარამეტრი, რომელსაც მომხმარებელი თვითონ განსაზღვრავს ცენტრალიზებული იდენტიფიკაციის სისტემაში რეგისტრაციისთანავე, კომპანიის მიერ შერჩეული დისტანციური მომსახურების არხ(ებ)ის ან კომუნიკაციის სხვა არხის საშუალებით; პაროლის აღდგენის პროცესში მომხმარებელს შეჰყავს ელ. ფოსტის მისამართი, რომელზეც იგზავნება ერთჯერადი ბმული, საიდანაც მომხმარებელი შეძლებს ახალი პაროლის დაყენებას; მობილური ტელეფონის ნომერი - ტელეფონის ნომერი, რომელზეც მომხმარებელი იღებს ცენტრალიზებული დისტანციური მომსახურებით განსაზღვრული ოპერაციების წარმოებისთვის საჭირო ერთჯერად წვდომის კოდებსა და ერთჯერად პაროლებს (ასეთის არსებობის შემთხვევაში); ვებგვერდზე გარკვეული ფუნქციონალის გამოყენებისას დაგვჭირდება SMS კოდებით მომხმარებლის ანგარიშის ვალიდაცია. SMS კოდების გასაგზავნად გამოვიყენებთ SMS Office სერვისს; მომხმარებლის ელექტრონული ფოსტის მისამართი - ელექტრონული ფოსტის მისამართი, რომელზეც მომხმარებელი იღებს ცენტრალიზებული დისტანციური მომსახურებით განსაზღვრული ოპერაციების წარმოებისთვის საჭირო წვდომის კოდებსა და პაროლებს (ასეთის არსებობის შემთხვევაში). ცენტრალიზებული დისტანციური მომსახურების მისაღებად მომხმარებელს შესაძლოა განესაზღვროს ავტორიზაციის განხორციელების ვალდებულება (ელ.ფოსტისა და პაროლის გამოყენება) ავტორიზაციის მეთოდით. ავტორიზაციის მეთოდი ყოველი შესაბამისი დისტანციური მომსახურების არხ(ებ)ის / მომსახურებებით სარგებლობისათვის ასევე რეგისტრირდება ცენტრალიზებული იდენტიფიკაციის სისტემაში.

• ანგარიშის რეგისტრაციისა და ვერიფიკაციის შემდეგ, ვებგვერდის მომხმარებელი გადის ავტორიზაციას.
• ავტორიზაცია ხორციელდება მომხმარებლის უნივერსალური იდენტიფიკატორების საშუალებით.

• მოცემული ვებგვერდის საშუალებით მარკ4 მომხმარებელს შესთავაზებს მის ასორტიმენტში არსებულ პროდუქციასთან დაკავშირებულ მომსახურებას.
• პროგრამის/სერვისის საცდელი ვერსიის მოთხოვნის შემთხვევაში კომპანია მარკ4-ის გაყიდვების/საკონსულტაციო გუნდი უფლებამოსილია დაუკავშირდეს მომხმარებელს მის მიერ მოწოდებული საკონტაქტო ინფორმაციის საფუძველზე, მოთხოვნის დასადასტურებლად და საცდელი ვერსიის დეტალების შესათანხმებლად.
• საცდელი ვერსიის/Demo-ს მოთხოვნა ან ჩატარება არ წარმოადგენს მოთხოვნას მომსახურების მიღებაზე, მომსახურების შეკვეთის ან ხელშეკრულების დადების ვალდებულებას.

• მომხმარებელი უფლებამოსილია, ნებისმიერ დროს შეწყვიტოს მარკ4-ის პლატფორმის გამოყენება, რაც არ იწვევს წინამდებარე შეთანხმებით გათვალისწინებული ვალდებულებების შეწყვეტას.

• წინამდებარე ხელშეკრულება ძალაში რჩება მომხმარებლის ანგარიშის გაუქმებამდე.
• თანამშრომლობის გაგრძელების შემთხვევაში მხარეებს შორის გაფორმდება ხელშეკრულება, რომელშიც დეტალურად არის მოცემული მომსახურების ფასი, გადახდის პირობები, ვადები და ა.შ.

• მარკ4-ის ვებგვერდზე განთავსებული ტექსტები, ლოგოები, გრაფიკული მასალა, დიზაინი, ფოტოები, ვიდეოები, პროგრამული უზრუნველყოფა და სხვა მასალები წარმოადგენს კომპანიის ან შესაბამისი უფლებამოსილი პირის საკუთრებას.
• ვებგვერდზე განთავსებული მასალის კოპირება, გავრცელება, შეცვლა, კომერციული გამოყენება კომპანიის წინასწარი წერილობითი თანხმობის გარეშე დაუშვებელია, გარდა კანონით დაშვებული შემთხვევებისა.

• წინამდებარე პირობები რეგულირდება და განიმარტება საქართველოს კანონმდებლობის შესაბამისად.
• მხარეთა მიერ პირობების შესრულების ადგილად მიჩნეულია ქ. თბილისი.
• ამ პირობებთან ან მის ინტერპრეტაციასთან დაკავშირებული ნებისმიერი დავა ან უთანხმოება გადაწყდება მხარეებს შორის მოლაპარაკების გზით.
• იმ შემთხვევაში თუ მოლაპარაკებით დავის გადაწყვეტა ვერ მოხერხდა, დავა განიხილება სამართლებრივი გზით.

• წინამდებარე წესები და პირობები მომსახურების განხორციელების პროცესში დადებულ სხვა ხელშეკრულებებთან (მათ შორის, მოდულის/აპლიკაციის ან სხვ. მომსახურების შეკვეთა ან/და შეკვეთის მიღება) ერთად წარმოადგენს ერთიან და მთლიან შეთანხმებას.